මේ කුළු සළුවේ - Me kulu saluwe - Priya Sooriyasena

මේ කුළු සළුවේ තරුවැල් පටලා 

සඳවත හිනැහෙනවා 

සඳවත හඬවා සඳවත සඟවා 

වැහි කළුවක් එනවා

වැහි කළුවක් එනවා

මුව ගොළු වී ඇත නෙත ගොළු වී නැත 

සිත කැළඹී නැත ලොව කැළඹී ඇත 

වැසි ගිලිහී ඇත ගඟ ඉතිරී නැත 

ලොව වටහා ගත නොහැක අපේ 

මේ කුළු සළුවෙ..

සඳ පායා ඇත තරු සැඟවී නැත 

මල් පර වී ඇත බඹරු හඬා නැත 

ඔබ කැළඹී ඇත මා නොසැලී ඇත 

ඔබ වටහා ගත නොහැක ළඳේ 

මේ කුළු සළුවෙ..

ගී පද: කේ.ඩී.කේ. ධර්මවර්ධන

සංගීතය: සරත් බාලසුරිය 

ගායනය: ප්‍රියා සුරියසේන