ගී පද

දිනෙක මතු දා දෛවයෝගෙන්  ඔබව හමුවේ නම් සිතැඟි ඉවසා වේදනා දුන්  ආදරේ මා පවසන්නම්..// බැඳි ආදරේ සඟවා හිතේ  නොකියා මෙමා උන්නා ඔබ දන්නෙ නෑ  මා කීවේ නෑ   හඬනා හැඟුම් පෙන්නා ළයේ ආදරෙන් අමතා දිනෙක මතු දා... ඉරණම් ලෙසින් වෙන්වී මගෙන්  හෙට හෝ ඔබත් යාවී තනිවූ මගේ පෙම් චේතනා  මට රෑ රිදුම් දේවී හදේ පසුතැවී අඳුරේ දිනෙක මතු දා... ගී පද: ආචාර්ය අජන්තා රණසිංහ  සංගීතය: ආචාර්ය වික්ටර් රත්නායක  ගායනය: අබේවර්ධන බාලසූරිය https://songbox.com/songbox/n6X31f1C0YSYeQV6b6T981RjdEGZia95JSPufbAYVuQCWSIg3y 

නීල  කොබෝ නිල පෑව ඔබේ  දිගු නීල නුවන් එළියෙන්  සෝක සුසුම් මැද පාළු වෙලා ගිය  ඈත අතීතෙට පාර කියන්  සාද තෙපුල් මුදු කෝල සිනා  දෑස නුරා අනුරාගී කතා  ඈත දුරින් ඇසුනාට සිතක් නැත  පාළු වෙලා සිත පාළු වෙලා  නීල  කොබෝ ... දෑත බැඳී ගුරු පාර ගෙවා  කීව කතා පෙර සේම කියා  සිහින ලෙසින් දුටුවාට පලක් නැත  පාළු වෙලා සිත පාළු වෙලා  නීල  කොබෝ ...// ගී පද: කුමාරදාස සපුතන්ත්‍රී  ගායනය: විජය කුමාරණතුංග  සංගීතය: රෝහණ වීරසිංහ 

නෙත නොපියා වත නොසලා ඈත අහසේ තාරුකා නැඟේ  ඈත අහසේ තාරුකා නැඟේ  රැය නොගෙවා ළත වෙනවා දෑස ඈගේ මා නිසා පෙඟේ  දෑස ඈගේ මා නිසා පෙඟේ  දෑතෙ ඇඳී රේඛා වැනී කිසිදා මැකී යා නොදී ..// පෑ ඔබේ දයා ආදරේ  ලියැවී තිබේ මා හදේ ලියැවී තිබේ මා හදේ නෙත නොපියා වත නොසලා ඈත අහසේ තාරුකා නැඟේ  ඈත අහසේ තාරුකා නැඟේ  පෑවූ සඳ ඔබ නම් ළඳේ මාගේ සිතුම් එහි ඇඳේ ..// ඒ ඔබේ අමා ගී පොතේ ගීයක් වුණා ජීවිතේ ගීයක් වුණා ජීවිතේ නෙත නොපියා ... ගී පද: ප්‍රේමකීර්ති ද අල්විස් සංගීතය: එඩ්ගා පෙරේරා ගායනය: මිල්ටන් මල්ලවාරච්චි

වහින්නට හැකිනම් ගිගුම් දී  වියලි ගම් බිම්වලට ඉහළින්  ඉදෙන්නට හැකිනම් බතක් වී  බතක් නොඉදෙන පැළක රහසින්  රැදෙන්නට හැකිනම් ළමා කැළ  හඬන දෙතොළඟ සිනාවක් වී  පිපෙන්නට හැකිනම් තුරින් තුර  නෙළා ගතහැකි වන මලක් වී වහින්නට හැකිනම් ගිගුම් දී  වියලි ගම් බිම්වලට ඉහළින්  ඉදෙන්නට හැකිනම් බතක් වී  බතක් නොඉදෙන පැළක රහසින්    නිදන්නට හැකිනම් දෙනෙත් තුළ  සැබෑවන සුබ සිහිනයක් වී  ගැයෙන්නට හැකිනම් දොරින් දොර  ලොවම පුබුදන ගීතයක් වී  වහින්නට හැකිනම් ගිගුම් දී  වියලි ගම් බිම්වලට ඉහළින්  ඉදෙන්නට හැකිනම් බතක් වී  බතක් නොඉදෙන පැළක රහසින්  ගී පද : මහාචාර්ය සුනිල් ආරියරත්න  ගායනය විශාරද නන්දා මාලිනී  සංගීතය : සුනිල් දයානන්ද කෝනාර 

සන්තාප මාවතේ  සංවේදනා මැදුරේ  සංවේගයෙන් දන්වා සිටිම්  වෙන්වීම මා ඇගෙන්  තරුවක් ලෙසින් වැළපී හඬා රැයේ  දැරියක් හිඳී තනිවී දෙමංතලේ  නොසැළී රැදී කඳුලක් ඇගේ නෙතේ  හඬගා කියයි නටඹුන් අතීතයේ සන්තාප මාවතේ  සංවේදනා මැදුරේ  සංවේගයෙන් දන්වා සිටිම්  වෙන්වීම මා ඇගෙන්   හසරැල් මැකී පිපි මල් මුවේ ඇගේ  සිහිලැල් සිඳී හදවිල් තලේ මගේ  සඳ තාරකා අඳුරේ ගිලී ගියේ  ඇය මා සෙවූ සෙනෙහේ නිමාව යේ සන්තාප මාවතේ  සංවේදනා මැදුරේ  සංවේගයෙන් දන්වා සිටිම්  වෙන්වීම මා ඇගෙන්    ගී පද ; කුමාරදාස සපුතන්ත්‍රී  ගායනය: සුනිල් එදිරිසිංහ  සංගීතය : රෝහණ වීරසිංහ 

කුරුටු ගෑ ගී පොතේ  කුරුටු ගී කෑ ගසා  ගිලන් හද පාරවා  ගෙනේ වධ වේදනා  කුරුටු ගෑ ගී පොතේ  ඔබෙන් පෙරදා  උගෙන කවිකම්  ලියූ කවි ගීතිකා  ඔබේ නාමෙන්  හැඬු කඳුලෙන්  ගයමි මම කිවිඳුනේ මියුරු කවිවැල්  කුරිරු ස්වරයෙන්   ඇසේ රෑ යාමයේ  නොලැබ කිවිඳුන්  කුමට කවිකම්  කිවිඳ මට කවි ලොවේ  ගී පද: මහාචාර්ය සුනිල් ආරියරත්න  ගායනය: විශාරද නන්දා මාලිනී  සංගීතය:  ස්ටැන්ලි පීරිස් 

වළා තීරයෙන් එහා  කොහේද ලෝකයක්  සොයා ඇදෙන්  පැතුම් බිඟුන්  අපේම ලෝකයක්  අපේම ලෝකයක් ...// තරංගයක් ලෙසින් නදී  බිඳී නොයන් සිතින්  වසන්තයක් ලෙසින් උදාව  එන්න ජිවිතෙන්  සිහිල් සහන් සුසුම් සරින්  පවන් රොදක් ලෙසින්  නැවුම් පැතුම් අරන් වඩින්න  පෙම් උයන් දොරින්  ගී පද: කුලරත්න ආරියවංශ   ගායනය: ටී එම් ජයරත්න   සංගීතය: රෝහණ වීරසිංහ 

මාළිගාවේ මා රැජිනි  මූද යහන වේ  නෑ නෑ දොරගුළු මුරකාවල් මේ ගේ   මිහිරි සැප මැවේ  මාළිගාවේ මා රැජිනි ..// ආ....ආ..ආ...ආ.. ආ....ආ..ආ...ආ. . ඈත මෑත සිතල සුළගයි  අහසේ නිල් වළා පාවෙයි  චන්ද්‍රරාණි කාන්ති බැබළෙයි  රන්තරූ රඟයි ..// මාළිගාවේ මා රැජිනි  මූද යහන වේ  නෑ නෑ දොරගුළු මුරකාවල් මේ ගේ   මිහිරි සැප මැවේ  මාළිගාවේ මා රැජිනි  ආ....ආ..ආ...ආ.. ආ....ආ..ආ...ආ. ඝෝර චණ්ඩ මිනිසුන් ඇසුරේ වේ ය අවහිරේ  මා තනිවම මේ කරදියරේ  මවමි සුරපුරේ  රන්විමනේ මේ ඔරුවේ  සොම්නසේ සුවේ රන්විමනේ මේ ඔරුවේ  සොම්නසේ සුවේ සෑම කල්ම හිඳිමි සුවසේ  සෝක දුක් නොවේ  මාළිගාවේ මා රැජිනි  මූද යහන වේ  නෑ නෑ දොරගුළු මුරකාවල් මේ ගේ   මිහිරි සැප මැවේ  ආ....ආ..ආ...ආ.. ආ....ආ..ආ...ආ. සාමදනේ සම්පත විදිමී  මල් පිපෙයි හිසේ  ලෝකයේ පීඩාවන් දුරුවේ තේරුණා රසේ  මුදූ වැල්ලේ රැල්ල පෙරලී  ගී ගයා වැලේ  මුදූ වැල්ලේ රැල්ල පෙරලී  ගී ගයා වැලේ  මාගේ සිහින මෝර මෝරා  ඒවි සීතලේ  මාළිගාවේ මා රැජිනි  මූද යහන වේ  නෑ නෑ දොරගුළු මුරකාවල් මේ ගේ   මිහිරි සැප මැවේ  මාළිගාවේ මා රැජිනි  ආ....ආ..ආ...ආ.. ආ....ආ..ආ...ආ. ගායනය - ආචාර්ය සුජාතා අත්තනායක  පද රචනය - කරුණාරත්

නීල වර්ණ නීල කොබෙයියෝ   මං ආදර  නීල වර්ණ නීල කොබෙයියෝ  සිත වටකර පියා සලන  සිතට සුවඳ පවන් සලන  නීල වර්ණ නීල කොබෙයියෝ මං ආදර  නීල වර්ණ නීල කොබෙයියෝ උඩින් ගියත් බිමින් ගියත්  මගේ හිතෙන් ඉගිළ නොයන්නේ  අදුර බිඳින සොඳුරු සිහින  කිඳුරු ලොවින් මවෙත ගෙනෙන්නේ   නීල වර්ණ නීල කොබෙයියෝ  මං ආදර  නීල වර්ණ නීල කොබෙයියෝ එරන් මාල එරන් තෝඩු  එරන් වළලු නැතේ පතන්නේ  අමාව සේ නිමා නොවන  සිනා බිඳක් රැගෙන වරෙන්නේ  ගී පද: ජී එච් කේ රත්නසිරි   ගායනය: ඉන්ද්‍රාණි බෝගොඩ  සංගීතය: චන්ද්‍රදාස බෝගොඩ

ලොව නිසසල වී නවතින මොහොතේ  යටි සිත් මතුකොට සිනහ සලා  ලොව දොඩමලු වී නෙත් මානන කළ  අප දෙදෙනා ඉමු තරහ වෙලා  තුඩින් තුඩට ගොස් අප ගැන  තොරතුරු බොද වී යයි ආදරයක ලස්සන  දෙසිතෙහි හිරවී ඇති තුරු පමණයි  අප දෙදෙනාගේ කතාව ලස්සන අනුන් සිටින විට විමසිලි දෑසින්  නෙත් සඟලින් හෝ ඉඟි නොකරනු මැන  සිතින් දෙදෙන එක තැන ඉන්නා බව  දෙතොල් තෙරපලා ගොළුකර ගනු මැන  ගී පද: ප්‍රේමකීර්ති ද අල්විස්  ගායනය: නිරංජලා සරෝජිනී  සංගීතය: වික්ටර් රත්නායක