හිරු පිබිදෙන විට - Hiru Pibidena wita - Clarence Wijewardena

හිරු පිබිදෙන විට කඳු වැල් අතරින් 

රැස් දහරක් වී ඔබ එන්නේ 

නෙත් හරවා මම ඉවත බැලූ විට 

මල් කැකුලක් වී හිනැහෙන්නේ  

මාලිනියේ මාලිනියේ 

මාලිනියේ මා ලාලනියේ 

ඔබගෙන් වෙන්වී තනිවී ඉන්නට 

ඇයි මාගේ සිත විමසන්නේ 

එනමුත් එසේ මා තනිවූ මොහොතක 

සිතුවිල්ලක් වී ඔබ එන්නේ 

මාලිනියේ මාලිනියේ 

මාලිනියේ මා ලාලනියේ  

නිදි යහනේ මා දෙනෙත් වැසූ විට 

සිහිනෙක දැවටී ඔබ එන්නේ 

ගීයක පද මැද තනිවූ මොහොතක 

තනුවක් වී සවනට එන්නේ 

මාලිනියේ මාලිනියේ 

මාලිනියේ මා ලාලනියේ ..////

ගී පද/සංගීතය/ගායනය: ක්ලැරන්ස් විජේවර්ධන