මල් සර මල් දුන්නේ - Mal sara mal dunne - H R Jothipala

මල් සර මල් දුන්නේ 

මල් හී සැර එන්නේ 

මගේ දෙනෙතෙහි සැංගී

කවුරුද සැතපෙන්නේ

මල් සර මල් දුන්නේ 

මල් හී සැර එන්නේ 

නිසසල තනි ලිය ගොමුවේ 

චංචල සුළඟකි හැමුවේ 

නුපුරුදු සිතුවිලි බිහිවේ 

එනු හිනැහෙනු මා හමුවේ 

මල් සර මල් දුන්නේ ...

බෙද බෙද මධු රස මියුරු 

සුව ගෙන දෙන මට නුහුරු 

සැඟවෙනවද කොයි කවුරූ 

එනු මැන පෙන්වා රුසිරූ 

මල් සර මල් දුන්නේ ...

ගී පද: කරුණාරත්න අබේසේකර 

සංගීතය: එස් ෂන්මුගම් 

ගායනය : එච් ආර් ජෝතිපාල