ගී පද

මල් දුන්ණේ මල් හී බින්දේ  කව්රුන්දැයි මල් බඹරින්දේ  රන් කෙන්දෙන් අත් බැඳ දුන් ඒ  පෙම්වත් පෙම් මින්දද නින්දේ  සිරියහනේ මා තනි වේද අහෝ // ගෝමර රන් බඳ දිලිසෙන්නා  මා යන මං පෙත ඈ එන්නා  ඈට විදින්නට මල් සර හී සැර කෝ // හද චන්දන අංගනයේ ... පුරවන් මකරන්ද ප්‍රියේ .... හද චන්දන අංගනයේ පුරවන් මකරන්ද ප්‍රියේ  මල් දුන්ණේ මල් හී බින්දේ .. මානවිකා ගී සින්දු ඇසේ  හංස රැඟුම් ලැම සීන දිසේ  පංච කුසුම් හී වින්දන ප්‍රේමේ කෝ // වෙන නැද්ද විදින්න අවී ... පවසන්න අනංග දෙවි ... වෙන නැද්ද විදින්න අවී පවසන්න අනංග දෙවි  මල් දුන්ණේ මල් හී බින්දේ ..// ගී පද : අජන්තා රණසිංහ  ගායනය: එඩ්වඩ් ජයකොඩි  සංගීතය: රෝහණ වීරසිංහ 

සඳ පහන නෙත නිවන සිත ලඟදි දැල්වී  නුඹ සඳව මා හදෙහි තව ඇත නොසෙල්වී  ලොව දෑස දැල්වී තතු සොයන කල්හී  නුඹ සඳව මා හදෙහි ඇත දැල්වී දැල්වී  මල් ලතා මණ්ඩපේ පෙම් කතා අපමණයි  අපේ කතා ලඟදි ඒ හැම කතා ගොළු උණයි  මල් මහේ පෙම් කවිය ලියවුනේ නුඹටමයි  ආදරේ අහන්නේ ආදරය විතරමයි  සඳ පහන නෙත නිවන සිත ලඟදි දැල්වී  නුඹ සඳව මා හදෙහි තව ඇත නොසෙල්වී  ගලන ගං දිය මතේ රළ සරැළි අපමණයි  සාගරය දුටුව දා ඒ සරැළි අසරණයි  රළ නොනිමි ආදරය මා පිදුවේ නුඹටමයි  ආදරේ කියන්නේ ආදරය විතරමයි  සඳ පහන නෙත..... ගී පද: යමුනා මාලිනි පෙරේරා  ගායනය: කරුණාරත්න දිවුල්ගනේ  සංගීතය: රෝහණ වීරසිංහ 

  මගතොට හමු වී නොදුටුව සේ යන තරුවක් වැනි නිල් අහස් ගැබේ සොඳුරිය ඔබ ගැන ලොවෙන් වසන් කල අදටත් සුරකින රහස් තිබේ අදටත් සුරකින රහස් තිබේ පෑගෙන තරමට නින්දා ඉවසමි ඉවසා සඟවමි වරද ඔබේ බෝ දුක් කඳුලැලි ඔබ වෙනුවෙන් දරු මගෙ හිත මට මහ මෙරක් වගේ පෙම් වත් මේ හිත තලා පෙලා ගිය පසුවත් අහිතක් ජනිත නොවේ නටු අග කටු මත හදවත සතපන සෙනෙහස හුදු වචනයක් නොවේ ගී පද - නාරද විජයසූරිය තනුව සහ ගායනය - ඉන්දික ලියනගේ